ವಿನೂತನ ಶೈಕ್ಷಣಿಕ ಸಂಪನ್ಮೂಲಗಳನ್ನೊಳಗೊಂಡ ​‘ಅನುವಾದ ಸಂಪದ​’ದಲ್ಲಿನ ಲೇಖನಗಳ ಸುತ್ತ ವಿದ್ಯಾರ್ಥಿಗಳು, ಶಿಕ್ಷಕರು, ಶಿಕ್ಷಕ ಶಿಕ್ಷಕರು, ವೃತ್ತಿಪರರು ಮತ್ತು ಶಿಕ್ಷಣಾಸಕ್ತರು ಕನ್ನಡದಲ್ಲಿಯೇ ಸೂಕ್ಷ್ಮವಾದ ಚರ್ಚೆ, ಸ್ವತಂತ್ರವಾದ ಓದು, ಬರವಣಿಗೆ ಮತ್ತು ಪರ್ಯಾಲೋಚನೆಯಲ್ಲಿ ತೊಡಗುವಂತೆ ಮಾಡಲು ಆಯೋಜಿಸಲಾಗುತ್ತಿರುವ ಮಾಸಿಕ ವೆಬಿನಾರ್ ಸರಣಿಯ ಮೂರನೆಯ ಚರ್ಚೆ ಇದಾಗಿದೆ.

ನೂತನ ಶಿಕ್ಷಣ ನೀತಿಯಂತೆ 3 ರಿಂದ 6ರ ವಯೋಮಾನದ ಮಕ್ಕಳ ಕಲಿಕೆಯ ನಿರ್ವಹಣೆಯನ್ನು ಶಾಲಾ ಶಿಕ್ಷಣದಡಿ ತರಲಾಗಿದೆ. 3 ರಿಂದ 8ರ ವಯೋಮಾನದ ಮಕ್ಕಳ ಪಠ್ಯಕ್ರಮವನ್ನು ಬುನಾದಿ ಹಂತವೆಂದು ಗುರುತಿಸಲಾಗಿದೆ. ರಾಷ್ಟ್ರ ಮತ್ತು ರಾಜ್ಯಮಟ್ಟದಲ್ಲಿ ಬುನಾದಿ ಹಂತಕ್ಕಾಗಿ ಪಠ್ಯಕ್ರಮ ಚೌಕಟ್ಟನ್ನು ಅನುಷ್ಠಾನಗೊಳಿಸಲಾಗಿದೆ. ಇವುಗಳಿಗೆ ರಾಷ್ಟ್ರೀಯ ಇಸಿಸಿಇ ಪಠ್ಯಕ್ರಮ ಚೌಕಟ್ಟು 2013 ತಾತ್ವಿಕ ತಳಹದಿ ಒದಗಿಸುತ್ತದೆ. ಈ ವಿಷಯದ ಪ್ರಸ್ತುತತೆಯ ಬಗೆಗೆ ಮನೋವಿಜ್ಞಾನದ ನಿವೃತ್ತ ಪ್ರಾಧ್ಯಾಪಕರಾದ ಡಾ.ಇಂದಿರಾ ಜೈಪ್ರಕಾಶ್ ಹಾಗೂ ಸಂಪನ್ಮೂಲ ವ್ಯಕ್ತಿ ಮತ್ತು ಧ್ವನಿ ಟ್ರಸ್ಟ್ ನ ಶಿವಾನಂದ ಹೊಂಬಳ ಇವರೊಂದಿಗೆ ಶ್ರೀ. ಎಸ್.ವಿ ಮಂಜುನಾಥ್ ಅವರು ಸಂವಾದ ನಡೆಸುತ್ತಾರೆ.

ಡಾ. ಇಂದಿರಾ ಜೈಪ್ರಕಾಶ್ – ಲೇಖಕರು ಮತ್ತು ನಿವೃತ್ತ ಪ್ರಾಧ್ಯಾಪಕರು, ಮನೋವಿಜ್ಞಾನ ವಿಭಾಗ, ಬೆಂಗಳೂರು ವಿಶ್ವವಿದ್ಯಾಲಯ, ಹಾಗೂ ಶ್ರೀ. ಶಿವಾನಂದ ಹೊಂಬಳ – ನಿರ್ದೇಶಕರು ಮತ್ತು ಸಂಪನ್ಮೂಲ ವ್ಯಕ್ತಿ, ಧ್ವನಿ ಟ್ರಸ್ಟ್, ಬೆಂಗಳೂರು, ಇವರು ಸಂವಾದದಲ್ಲಿ ಪಾಲ್ಗೊಳ್ಳಲಿದ್ದಾರೆ.

ಇವರೊಂದಿಗಿನ ಸಂವಾದವನ್ನು ನಡೆಸಿಕೊಡುವವರು ಅಜೀಂ ಪ್ರೇಮ್ ಜಿ ವಿಶ್ವವಿದ್ಯಾಲಯದ ಶ್ರೀ.ಎಸ್.ವಿ.ಮಂಜುನಾಥ್.

ಚರ್ಚೆಯು ಕನ್ನಡದಲ್ಲಿಯೇ ನಡೆಯುತ್ತದೆ.

ಲೇಖನವನ್ನು ಓದಲು ಈ ಲಿಂಕ್ https://​bit​.ly/​4​0​hmKh4 ನ್ನು ಬಳಸಿ.